Чыгышлар - Каталог файлов - Татар теле укытучысы Раушания Матзянова сайты

ФГОС шартларында татар теле, әдәбияты дәресләрендә яңа технологияләр куллану

Заманаларның үзгәрүе һәм алар куйган таләпләрнең төрле булуына бәйле хәлдә сәламәт яшәү рәвеше дигән төшенчәгә дә үзгәрешләр керми калмый.

Тарих битләрен кирегә әйләндереп, авыр сугыш еллары вакыйгаларына тукталсак, сәламәт яшәү рәвеше -- бу чор өчен заман таләбе булып тора. Сугыш китергән афәтнең нинди булуын күз алдына китерүгә үк ул чордагыларга кул кушырып утыру турында уйларга вакыт калмаган. Сугышчыларны вакытында икмәк, корал һ.б. кирәк-ярак белән тәэмин итәр өчен, көнне төнгә ялгап, алны-ялны белмичә, җиң сызганып эшләргә кирәк. Моның өстенә гаиләне туйдыру, тылдагы авыр тормышны тарту һ.б.бик күп авыр хезмәтләр башкару алар җилкәсенә төшкән бит. Берөзлексез хәрәкәттә булу күп кенә авыруларның килеп чыгуына киртә булгандыр, мөгаен. Әбиләр исә, ил-көнгә җиңеллек китерү максатыннан чыгып, һәрдаим дога кылу, намаз уку, дисбе тарту кебек эшләрне башкарганда, бу гамәлләре белән Ходайдан җиңеллек сорасалар да, тора-бара ,вакытлар узу белән ,аның үзенә күрә бер күнегүләр җыелмасы, гимнастика, бармакларга массаж икәнлеген ачыклыячакларын үзләре дә белмәгәндер әле. Заман таләбе булып торган актив тормыш позициясе ул вакытның сәламәт яшәү рәвешен тәшкил иткән.